كوكتيل شعر وابوذيات للعشاق

دهري اليوم حشدهن سرايه
سرن بالروح واتنطر سرايه
هو الشيب من يعلك سرايه
رفع اعلان حتما للمنيه
***********
حاير واطلب الدربي دلاله
وكتي بنار خلاني دلاله
يربي اشلون مرمرني دلاله
تهت وانه الدليل اشلون بيه
************
اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية
************
شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه

الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه

سألوا تعرف الفرح لا جاوبت معرفه
وسألوا تعرف الحزن أي جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه

احله اسم بالخلك اسمج برز زينب
ساكنه بروحي تره ونص الكلب زينب
مليانه طيب وعطف مليانه حب زينب
تكتل اذا خزرتك لو نظرتك نظره
والوجه مثل الكمر صافي وعليه نظره
شلون اسطبر وانتظر مابي بعد نظره
لو داست اعله الارض لمن تمر زينب

نبيع الروح للينشد .. علينة
وثوب الحزن صدك لايك .. علينة
وحك عباس وحسين .. وعلينة
نظل ننشد عليكم للمنيـــــــــة
وحك الالف واللامين .. والهه
روحي بهوى ساهي العين .. ولهه
لها ثغر وجبين وعين .. والهه
خذ شبه البدر لو سطع ضيــــه