wolverine91
مشرف منتدى الشعر الشعبي
عدد المساهمات : 21
تاريخ التسجيل : 2009-07-17
 |  Subject: أجمل أبو ذيات منوعة  Sat Jul 18, 2009 5:17 am | |
| احس گلبي عليك اليوم لاعب
كلام الخشن بطلة وياي لاعيب
اسمحولي وگعت انه بعشگ لاعب
تركني وفضل الطوبة علية
............................................
قهر حبك حبيبي عسل وي جوز
وربك ما يتوب الكلب ويجوز
تريد انساك بس بالموت ويجوز
تلمنه الاخره ونرجع سويه
............................................
قفل حبك بكلبي سكراني
وماي اللسان حلكك سكراني
ابشرك صار بيه سكر اني
حلاة شفايفك عمت عليه
.........................................
بثوب العوز اجيتك وانه داوي
بلهيب النار اطفي وانه داوي
جرح الكلب ينزف وانه داوي
اداوي الجرح والعله خفيه
........................................
شربت الجاي مرمر بستكانه
ولا ظليت كاعد بستكانه
سبع بوسات يسمر بستك انه
ولا اشبع اذا اوصل الميه
.........................................
ماله البخت مايل مال حظنه
وفرح مرة ابدربنه مالحظنه
الولف مو مال اعوفه مال احظنه
وأبوسه ابشفته لو صح أباديه
.........................................
انه بروحي مرارة علج بستك
ترد روحي لون بشفاك بستك
والك طار الكلب بجناح بس تك
كسرجنحة الهوة ومارد اليه
..........................................
غمزتلي بعين صدك من شفتهه
وعسل تاخذ الوادم من شفتهه
على راسي لون حطت منشفته
اطيب وما يضل كل مرض بيه
...........................................
قفل جان اعله سر حبنه لشفتاك
قفلنــــه ولادنت شفتـي لشفتاك
تمـــر؟ وبطيف شحجيلك لشفتاك
اعله خـــــــد الطيف تلكه اثار اديه
............................................
ولا واحد نظرته وماهواني
عليش أبتعد ضنك ماهو اني
احس اني من اشوفك ماهو اني
احس روحين ونگسمن سويه
............................................
اجيك ازحوف ما أتعب ولفحط
وبنص الكلب ياوادم ولف حاط
ألف حراس لو خــلو ولفحط
اجيلك واليصير يصير بيه
............................................
حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه
............................................
ابسبب تدري اعله مامش راح مديت
شبابي والخلك والموس مديت
صبر ونخه يداحي الباب مديت
حالي ابمستحه اعله اجفوف اديه
............................................
يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه
............................................
أنكتل كدامي كلبي منسكتله
ودم مادام جرحي منسكتله
طلع عينه كلبي منسكتله
وعافه براحته يلعب عليه
............................................
نفسك دوم حاسبها ولمها
تره امن ايدك مسرتها ولمها
فقير الحرص عالدنيا ولمها
وغني اليقنع ابرزقه بلا شجيه
............................................
عليمن ياجدم سيرت وخطيت
وكثيرة ذنوب منك شلت وخطيت
عمت عيني رميت الحلو وخطيت
على بخت الذخيرة الخان بيه
............................................
ذبل هرش الگلب يبناي عوده
وانا من احبابي ما حصلت عوده
يرد للدار مـا ظن بعد عوده
ويرد شملي يـمه بيك اليـه
............................................
كافي جفة يحبابي بس عاد
ودعي من رب العرش ايامكم بسعاد
عهدآ عليه اذا الغالي بس عاد
احني جفوفي ودوس المنيه
............................................
ارد افهم قصوري وياك شجره
ودفنتك بالكلب سباح شجره
غشيم وعفت طيري فوك شجره
بغابه وتاهت الشجره عليه
............................................
حبي ابد ما يوم الك ينكص
وليش الصاحب من يغيب ينكص
وكت خله الحديد بخشب ينكص
وكت خله النذل يلعب عليه
............................................
وحك البلمهد ربه وحاله
الدنيا وياي للهامه وحاله
صديقي الهد علي چلبه وحاله
الچلب رد وصديقي انهد عليه
............................................
گضن ايامنه يبن امي وراحـن
وعليكم رمدن عيوني وراحـــن
شال المحب وگليبي وراه حــن
صفى بس البچي والنوح اليه
............................................
اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه
............................................
حبيبي شلونك بهجري وانه بعيد
لجلك البس الأسود وانه بعيد
گتله حيل احبنك ونب عيد
اكرر والصده يرجع عليه
............................................
نسيت وتيهت روحي وهم بيك
خويت وضيعت ناسي وهم بيك
وحسافة العمر كضيته وهم بيك
طلعت جذاب وتلعب عليه
............................................
حلو يمشي بخيال البيت شفته
تشبه لمعه الياقوت شفته
مريض أنه او دواي بطرف شفته
ودواه احسن من الدكتور اليه
............................................
سلامي وتحياتي واجمل امنياتي | |
|
AdmiN
مدير مؤسس منتديات عذب الفـــــــــــــــــــــــــــــرات
عدد المساهمات : 234
تاريخ التسجيل : 2009-06-17
العمر : 34
الموقع : https://777ba.yoo7.com
| |
سامر الناصري
عدد المساهمات : 8
تاريخ التسجيل : 2009-06-18
| | Subject: Re: أجمل أبو ذيات منوعة Sun Jul 26, 2009 8:04 am | |
| | |
|
الف شكر اخي على البو ذيات الرائعه 
