السلام عليكم ورحمة الله وبركاته ..
االيوم جتي ببالي فكرة موضوع عجبني نسولف بيها ...
أحنا هواي شايفيين الناس من تعصب مرات الواحد يطلع من طوره وما يسيطر لا على أفعاله ولا على أقواله
وذولي راح تستثنيهم من هذا الموضوع .. بس..!
بس أكو واحد يعيش الللقطه .. ؟ يعني يدخل بالدور زايد ويسوي نفسه ظايج وحواجبه 8 شباط ..
زين ليش؟ وعلى شغلات ما تسوه ؟ عود هو صار جبير وراح يتحمل المسؤوليه ...
لا ما عده الكفر مالته كل خمس دقايق لأن ظايج لازم محد يحجي ويا ؟
زين هذا الله الي كفرت بي مو مغركك خيرات ونعم عليك ..
يعني المفروض دكًول الحمد الله على كل حال..
زين أنته يا رامبوا أحد كًلك الدهر راح يظل وياك طول العمر..؟ لازم راح تجي أيام سوده مصخمه مثل اخلاقك وتشوف الويل هاي سنة الحياه
يعني أذا كل واحد صارت عنده مشكله يريد ينتحر يعني هيج العراق هسه ما بي شعب لأن الكل عدهم مصايب مو لو مو مو ؟ ..
لا وأكو ناس من تطلع راسبه بالدراسه تصيح الله ما يحبني ورسبني .. زين أنته قريت..؟
يعني أحنا أساس الغلط ونعيب الخلق والخالق ... !
حتى الفقير الي ما عنده فلوس خلي يباوع على الأقل منه بدال ما يذمر ويتعلم من الأحسن منه
حتى يصير مثله ..
ومو الي شاف قصر العالم يروح يهدم كوخه..!
لا وأكو لقاطت كلش حلوه صار عصبي جر السويچ مال سياره وقبط سكليتر عود هو جاكي
وشحطات ودكً بطنشات زين أنته مو عصبي هلأستفياك شنو ؟
زين هاي شنو نسمي ضعف بالشخصيه .. ؟
محاولات جذب الأنظار على أبو أني وبس ...!
أتمنى أسمع أرائكم بهيج نماذج
Subject: الله ما يحبني راح أنتحر !!! 
Fri Jul 17, 2009 2:20 am
